Header

முடிவுக்கு வந்தது வடிவேலு ஷங்கர் பிரச்சினை – இனி திரைப்படங்களில் வடிவேலுவை காணலாமா…!

 

 

வடிவேலு நடித்த “இம்சை அரசன் 24ஆம் புலிகேசி” திரைப்பட விவகாரத்தில் சுமூகத் தீர்வு காணப்பட்டுள்ளதாக தமிழ்த் திரைப்படத் தயாரிப்பாளர்கள் சங்கம் தெரிவித்துள்ளது.

இதுதொடர்பாக தமிழ் திரைப்பட தயாரிப்பாளர்கள் சங்கத்தினர் வெளியிட்ட அறிக்கையில், தமிழ் திரைப்பட தயாரிப்பாளர்கள் சங்கத்தில் உறுப்பினராக உள்ள “எஸ் பிக்சர்ஸ்” நிறுவனத்தை நடத்தி வரும் இயக்குனர் “ஷங்கர்” நடிகர் வடிவேலு மீது புகார் அளித்திருந்தார்.

மேற்படி புகார் சம்பந்தமாக தமிழ் திரைப்பட தயாரிப்பாளர்கள் சங்க நிர்வாகிகள், நடிகர் வடிவேலு மற்றும் எஸ் பிக்சர்ஸ், நிறுவனத்தினரை நேரில் அழைத்து பேசி மேற்கண்ட பிரச்னைக்கு சுமூகமாக தீர்வு காணப்பட்டுள்ளதாக தெரியவருகின்றது.

இம்சை அரசன் 24ஆம் புலிகேசி படப்பிடிப்பின்போது சிம்புதேவனுக்கும் வடிவேலுக்கும் இடையே திடீரென கருத்து வேறுபாடு ஏற்பட்டு படப்பிடிப்பு பாதியிலேயே நிறுத்தப்பட்ட நிலையில்

இதனால் தனக்கு ரூ.10 கோடிவரை நஷ்டம் ஏற்பட்டுள்ளதாக தயாரிப்பாளர் சங்கத்தில் வடிவேலு மீது இயக்குனர் “ஷங்கர்” தரப்பில் புகார் அளிக்கப்பட்டது.

புகார் காரணமாக வடிவேல் புதிய படங்களில் நடிக்கத் தடைவிதிக்கப்பட்டது. இதனால் 2 வருடங்களாக படங்களில் வடிவேல் நடிக்காமல் இருக்கிறார்.

ஆனால் தற்போது இந்த பிரச்னையில் சுமூகத் தீர்வு ஏற்பட்டுள்ளதாக தமிழ்த் திரைப்படத் தயாரிப்பாளர்கள் சங்கம் தெரிவித்துள்ளது.

எனவே இனிமேல் திரைப்படங்களில் வடிவேலுவை காணக்கூடியதாக இருக்கும்.

logo