Header

இலங்கையில் இதுவரை போடப்பட்டுள்ள தடுப்பூசிகளின் விபரம்…!

 

இலங்கையில் நேற்றைய தினத்தில் மாத்திரம் 27,888 பேருக்கு சீனாவின் “சைனோபார்ம்” (sinopharm) தடுப்பூசியின் முதலாவது டோஸ் போடப்பட்டுள்ளது.

மேலும் “சைனோபார்ம்” தடுப்பூசியின் இரண்டாவது டோஸ் நேற்று 95,533 பேருக்கு போடப்பட்டுள்ளதாக தொற்று நோயியல் பிரிவு குறிப்பிட்டுள்ளது.

இதேவேளை, இதுவரை 874,236 பேருக்கு “கொவிசீல்ட்” ( Covishield ) தடுப்பூசியின் இரண்டாவது டோஸ் போடப்பட்டுள்ளது.

அத்துடன் இதுவரை 159,081 பேருக்கு ” ஸ்புட்னிக் V ” ( Sputnik V ) தடுப்பூசியின் முதலாவது டோஸ் போடப்பட்டுள்ளதாக தொற்று நோயியல் பிரிவு தெரிவித்துள்ளது.

மேலும் 14,517 பேருக்கு “ஸ்புட்னிக் V “தடுப்பூசியின் இரண்டாவது டோஸ் போடப்பட்டுள்ளது.

அதேபோல், இதுவரை 252,554 பேருக்கு ” ஃபைசர் ” ( Pfizer )தடுப்பூசியின் முதலாவது டோஸ் போடப்பட்டுள்ள நிலையில், 40,496 பேருக்கு ஃபைசர் தடுப்பூசியின் இரண்டாவது டோஸ் போடப்பட்டுள்ளதாக குறிப்பிடப்பட்டுள்ளது.

அதேபோல், 770,721 பேருக்கு ” மொடர்னா ” ( moderna ) தடுப்பூசியின் முதலாவது டோஸ் போடப்பட்டுள்ளதாக தொற்று நோயியல் பிரிவு வௌியிட்ட அறிக்கையில் குறிப்பிடப்பட்டுள்ளது.

இதேவேளை, இலங்கையில் அபிவிருத்தி பணிகளில் ஈடுபட்டுள்ள சீன பிரஜைகள் 2,865 பேருக்கு “சைனோபார்ம்” தடுப்பூசியின் முதலாவது டோஸ் போடப்பட்டுள்ளதுடன் 2,435 பேருக்கு இரண்டாவது டோஸ் போடப்பட்டுள்ளமை குறிப்பிடத்தக்கது.

சுகாதார அமைச்சின் தொற்று நோயியல் பிரிவு அறிக்கை ஒன்றை வௌியிட்டு இதனை குறிப்பிட்டுள்ளது.

logo