Header

டயகம சிறுமியின் மரணம் தொடர்பில் தாய் உட்பட 06 பேரிடம் வாக்குமூலம்!

 

முன்னாள் அமைச்சர் ரிஷாட் பதியுதீனின் வீட்டில் பணிபுரிந்த 16 வயதான சிறுமியின் மரணம் தொடர்பில் அவரது தாய் உட்பட 06 பேரிடம் வாக்குமூலம் பதிவு செய்யப்பட்டதாக, காவல்துறை பேச்சாளர் சிரேஷ்ட பிரதி காவல்துறைமா அதிபர் அஜித் ரோஹன தெரிவித்துள்ளார்.

இந்த சம்பவம் தொடர்பில் நியமிக்கப்பட்ட இரண்டு விசேட விசாரணை குழுக்கள் நேற்று டயகம பகுதிக்கு சென்று விசாரணைகளை முன்னெடுத்துள்ளன. சிறுமியின் தாயிடம் இரண்டாவது நாளாகவும் நேற்று காவல்துறையினர் சுமார் 10 மணித்தியாலங்கள் வாக்குமூலம் பதிவு செய்துள்ளனர்.

அதே நேரம் குறித்த சிறுமியை முன்னாள் அமைச்சர் ரிஷாட் பதியுதீன் வீட்டிற்கு அழைத்து சென்ற தரகரிடம் இன்று காவல்துறையினர் வாக்குமூலம் பதிவு செய்யவுள்ளனர்.

இதேவேளை, முன்னாள் அமைச்சர் ரிஷாட் பதியுதீனின் வீட்டில் பணிபுரிந்த 16 வயதான ஹிஷாலினி மரணம் தொடர்பில் உரிய விசாரணைகள் ஆரம்பிக்கப்பட்டுள்ளதாக பெண்கள் மற்றும் சிறுவர் அபிவிருத்தி இராஜாங்க அமைச்சர் பியால் நிஷாந்த தெரிவித்துள்ளார். இது தொடர்பில் முழுமையான விசாரணை நடத்தப்படும் என அவர் உறுதியளித்துள்ளார்.

Thank you for taking time to Vote for us at BestWeb.lk 2021

logo