Header

யாழில் 6,072 பேருக்கு சினோபார்ம் தடுப்பூசிகள்…..

 

கொரோனா தடுப்பூசி வழங்கல் திட்டத்தின் கீழ் யாழ்ப்பாணம் மாவட்டத்தில் நேற்று இரண்டாவது நாளில் 6,072 பேருக்கு சினோபார்ம் தடுப்பூசிகள் வழங்கப்பட்டுள்ளதாக, வடமாகாண சுகாதார சேவைகள் பணிப்பாளர், மருத்துவர் ஆ.கேதீஸ்வரன் தெரிவித்தார். மேலும் தெரிவு செய்யப்பட்ட கிராம அலுவலகர் பிரிவுகளில் 60 சதவீதமானோர் தடுப்பூசியை பெற்றுக்கொண்டுள்ளதாகவும் அவர் குறிப்பிட்டார்.

சுகாதார அமைச்சின் தொற்றுநோய் தடுப்பு பிரிவின் வழிகாட்டல்களுக்கு அமைவாக யாழ்ப்பாணம் மாவட்டத்தில் கிராம அலுவலகர் பிரிவு ரீதியாக இனங்காணப்பட்ட கொவிட் – 19 நோயாளர்களின் எண்ணிக்கை, மற்றும் சனத்தொகையின் அடிப்படையில் கணிப்பிடப்பட்டு, 11 சுகாதார மருத்துவ அதிகாரி பிரிவுகளை சேர்ந்த 83 கிராம அலுவலகர் பிரிவுகள் தெரிவு செய்யப்பட்டுள்ளன.

அவற்றில் 11 சுகாதார மருத்துவ அதிகாரி பிரிவுகளில் தலா ஒரு கிராம அலுவலர் பிரிவு ரீதியாக 11 கிராம அலுவலகர் பிரிவுகளில் நேற்று கொவிட்-19 தடுப்பூசி வழங்கும் திட்டம் ஆரம்பிக்கப்பட்டது.

இன்று 10 ஆயிரத்து 52 பேருக்கு தடுப்பூசி மருந்து வழங்க எதிர்பார்க்கப்பட்டது. எனினும் 6 ஆயிரத்து 72 பேருக்கு இன்று தடுப்பூசியைப் பெற்றுக்கொண்டுள்ளனர். தெரிவு செய்யப்பட்ட 29 கிராம அலுவலகர் பிரிவுகளில் 17 நிலையங்களில் இன்று தடுப்பூசி வழங்கப்படும் என்றும் அவர் தெரிவித்தார்

Thank you for taking time to Vote for us at BestWeb.lk 2021

logo