Header

மீண்டும் ஆரம்பமாகும் ரஜினியின் படப்பிடிப்பு

கொரோனா வைரஸ் பிரச்சனை ஏற்படுவதற்கு முன்பு சிறுத்தை சிவா இயக்கத்தில் அண்ணாத்த படத்தில் நடித்து வந்தார் ரஜினிகாந்த். அந்த படத்தில் நயன்தாரா, கீர்த்தி சுரேஷ், மீனா, குஷ்பு, பிரகாஷ்ராஜ், சூரி, சதீஷ் உள்ளிட்டோரும் நடிக்கிறார்கள்.

கொரோனா வைரஸ் பிரச்சனை விஸ்வரூபம் எடுத்ததால் பல மாதங்களாக நிறுத்தி வைக்கப்பட்ட படப்பிடிப்பு கடந்த டிசம்பர் மாதம் 14ம் தேதி மீண்டும் துவங்கப்பட்டது. ஐபிஎல் போட்டிகள் போன்று bio bubble முறையை பின்பற்றியும் கூட படக்குழுவை சேர்ந்த 4 பேருக்கு கொரோனா வைரஸ் பாதிப்பு ஏற்பட்டது. இதையடுத்து படப்பிடிப்பை தற்காலிகமாக நிறுத்தி வைத்தனர்.

படப்பிடிப்பு நிறுத்தப்பட்ட நிலையில் ரஜினிக்கு உயர் ரத்த அழுத்தப் பிரச்சனை ஏற்பட்டு ஹைதராபாத்தில் இருக்கும் தனியார் மருத்துவமனையில் அனுமதிக்கப்பட்டார். சென்னை திரும்பிய அவர், தமிழக சட்டசபை தேர்தல் முடியும் வரை படப்பிடிப்பில் கலந்து கொள்ள மாட்டேன் என்று சன் பிக்சர்ஸ் நிறுவனத்திடம் தெரிவித்தாராம்.

இந்நிலையில் அண்ணாத்த படத்தை தீபாவளி பண்டிகை ஸ்பெஷலாக நவம்பர் மாதம் 4ம் தேதி ரிலீஸ் செய்கிறோம் என்று அறிவிப்பு வெளியிட்டனர். இதையடுத்து மீண்டும் படப்பிடிப்பை துவங்குவது குறித்து ரஜினியை அவரின் இல்லத்தில் சந்தித்து பேசினார் சிவா. அதன் பிறகு மீண்டும் படப்பிடிப்பில் கலந்து கொள்ள ரஜினி சம்மதம் தெரிவித்தார்.

Rajinikanth and Siruthai Siva's film titled 'Mannavan'? | Tamil Movie News  - Times of India

படப்படிப்பை மார்ச் 15ம் தேதி துவங்குகிறார்கள். ஹைதராபாத்தில் இல்லை மாறாக சென்னையில் இருக்கும் ஈவிபி ஃபிலிம் சிட்டியில் தான் படப்பிடிப்பு நடக்கவிருக்கிறது. கொரோனா பிரச்சனை தீராத நிலையில் ரஜினி மீண்டும் படப்பிடிப்பில் கலந்து கொள்ள சம்மதித்ததற்கான காரணம் தெரிய வந்துள்ளது.

எப்பொழுதும் சுறுசுறுப்பாக இருக்கும் ரஜினியால் வீட்டில் சும்மா இருக்க முடியவில்லையாம். அதனால் தான் நான் மீண்டும் படப்பிடிப்புக்கு வருகிறேன் கண்ணா என்று தெரிவித்துள்ளாராம்.

ஹைதராபாத்தில் இருந்து திரும்பி வந்ததில் இருந்து ரஜினி தன் உடல்நலத்தை நினைத்து கவலைப்படுவதாக கூறப்படுகிறது. வேலை செய்யாமல் வீட்டில் இருந்தால் அதே கவலையாக இருப்பதால் தான் அண்ணாத்த வேலையை துவங்க முடிவு செய்திருக்கிறாராம். தன் உடல்நலம் பற்றி ரஜினி கண் கலங்கினாராம், அதை பார்த்த நண்பர்கள் பதறிப் போனார்களாம்.

அண்ணாத்த படத்தை முடித்த கையோடு அடுத்த படத்தில் நடிக்கவும் ரஜினி ஆர்வமாக இருக்கிறாராம்.

  • https://cp12.serverse.com/proxy/vasanthamfm?mp=/stream
  • Vasantham FM