Header

பபிள் கம்மை தவறுதலாக விழுங்கிவிட்டால் உடலுக்குள் என்ன நடக்கும்?

நாம் சிறுவயதில், பப்பிள் கம்மை வாங்கித் தருமாறு பெற்றோரிடம் கேட்டிருக்கும்போது, வேண்டாம், நீ அறியாமல் முழுங்கி விடுவாய் என்று நம் பெற்றோர் எச்சரிக்க கேட்டிருக்கிறோம். பப்பிள் கம்மை முழுங்கிவிட்டால் என்ன நேரும் என்பதை நாம் அறிந்திருக்கிறோமா?.

வெளிநாட்டில், ஒரு குழந்தை தவறுதலாக, பப்பிள் கம்மை முழுங்கிவிட்டதாகவும், அவளது வயிற்றில் இருந்த பப்பிள் கம், முழுவதுமாக ஜீரணமாக 7 ஆண்டுகள் வரை ஆனதாக ஒரு தகவல் நிலவி வருகிறது. பப்பிள் கம்மை தவறுதலாக விழுங்கி விட்டால், என்னென்ன பாதிப்புகள் ஏற்படும் என்பதை இந்த கட்டுரையில் விளக்கமாக தெரிந்து கொள்ளலாம்.

Image result for chewing gum brands in mouth

நாம் இனிப்புச் சுவைக்காகவும், பற்கள் ஆரோக்கியத்திற்காகவும் சுவைக்கும் பப்பிள் கம், ஒட்டும் தன்மை உடையதாகவும் மற்றும் இழுவைத்தன்மையும் கொண்டிருக்கும். இந்த பப்பிள் கம்மை, நாம் வாயில் வைத்து நீண்ட நேரம் மென்று கொண்டிருந்தாலும், அதன் வடிவத்தில் எவ்வித மாற்றமும் இருக்காது. இதன்காரணமாகவே, நாம் தவறுதலாக விழுங்கும்போது வயிற்றுப்பகுதிக்கு செல்லும் பப்பிள் கம், குடல் பகுதியில் ஒட்டிக்கொண்டு அங்கு அடைப்பை ஏற்படுத்தி விடும் என்று நம்பப்பபட்டு வந்தது. வயிற்றில் சென்ற பப்பிள் கம், முழுவதும் ஜீரணமாக 7 ஆண்டுகள் காலம் பிடித்தது என்பதெல்லாம் வெறும் கட்டுக்கதைகள் தான். இதில் எள்ளளவும் உண்மையில்லை.

காய்கறிகள் மற்றும் விதைகளில் உள்ள நார்ச்சத்துகள் போன்று பப்பிள் கம்மிலும் உள்ள அடிப்படை பொருளும் எளிதில் கரையத்தக்கது அல்ல. இந்த பப்பிள் கம்மை கரைய செய்யக் கூடிய சிறப்பு வகை என்சைம்களை நம் உடல் உற்பத்தி செய்யாததால், அது வயிற்றிலேயே தங்கக் கூடிய நிலை உருவாகிறது. இருந்தபோதிலும், நாம் மற்ற உணவு வகைகளை சாப்பிடும்போது, அது ஜீரண மண்டலத்தால் செரிக்கப்பட்ட பின் எஞ்சிய கழிவுகள் எவ்வாறு மலம் மூலமாக வெளியேற்றப்படுகிறதோ,அதேபோன்று, வயிற்றில் தங்கிய பப்பிள் கம்மும், மலமாக நமது உடலை விட்டு வெளியேறி விடுகிறது.

Image result for chewing gum brands in mouth

நாம் தவறுதலாக விழுங்கிய பப்பிள் கம், நம் குடல் பகுதியில் அடைப்பை ஏற்படுத்த வாய்ப்பு இருக்கிறதா என்ற கேள்விக்கு ஆம் என்று தான் பதில் சொல்ல வேண்டும். ஆனால், இது மிகவும் அரிதான நிகழ்வே ஆகும். அதிக அளவிலான பப்பிள் கம்மை ஒருவர் விழுங்கிவிட்டால், அவருக்கு மலச்சிக்கல் ஏற்படுவதற்கான வாய்ப்புகள் மிக அதிகம். இது குடல் பகுதி அடைப்புக்கு வழிவகுத்து விடும். இந்த நிகழ்வு, குழந்தைகளிடையே மிக அதிகமாக ஏற்படுகிறது. அவர்கள் தான் தெரியாமல், பப்பிள் கம்மை அடிக்கடி விழுங்கி விடுகின்றனர்.

1998 ஆம் ஆண்டு வெளியிடப்பட்ட குழந்தைகள் நலம் தொடர்பான ஜெர்னலில், பப்பிள் கம்மின் பல்வேறு பகுதிகளை, குழந்தைகள் விழுங்க நேரிடும்போது, அது அவர்களின் குடல் பகுதியில் அடைப்பை ஏற்படுத்தும் வாய்ப்புகள் அதிகமாக உள்ளன. இது அவர்களது வயிற்றில் கடுமையான வலியை ஏற்படுத்துகிறது. வாந்தி வரும் உணர்வு மற்றும் மலச்சிக்கல் பாதிப்பையும் ஏற்படுத்துகிறது. இந்த பாதிப்புகள் அதிகரிக்கும் பட்சத்தில், அது மூச்சுத்திணறல் ஏற்படவும் வாய்ப்பாக அமைந்து விடுகிறது.

நாம் தவறுதலாக விழுங்கிய பப்பிள் கம், நமது உடலில் 40 மணி நேரங்கள் முதல் சில நாட்கள் வரை உடலிலேயே இருக்க வாய்ப்பு உள்ளது. இது மற்ற உணவு வகைகளை போன்று எளிதில் ஜீரணம் அடையாத காரணத்தினால்,அது செரிமானம் ஆகியோ அல்லது கழிவாக மலம் மூலமாக வெளியேறவோ அதிக காலம் பிடிக்கிறது. நாம் விழுங்கிய பப்பிள் கம், மலம் மூலமாகவே, நமது உடலில் இருந்து வெளியேற வேண்டும். இதற்கு வேறு ஏதும் மாற்றுவழிகள் கிடையாது என்பதை மறந்துவிடக் கூடாது.

You may also like...

0

Leave a Reply

Your email address will not be published. Required fields are marked *

Thank you for taking time to Vote for us at BestWeb.lk 2020

logo