Header

சசிகுமாரின் ‘எம்ஜிஆர் மகன்’ படத்தின் ரிலீஸ் தேதி அறிவிப்பு!

இயக்குனர் பொன்ராம் இயக்கிய ’வருத்தப்படாத வாலிபர் சங்கம்’ ’ரஜினிமுருகன்’ ’சீமராஜா’ ஆகிய வெற்றி படங்களை தொடர்ந்து, தற்போது அவர் இயக்கி முடித்திருக்கும் திரைப்படம் ’எம்ஜிஆர் மகன்’.

இத்திரைப்படத்தில் நடிகர் சசிகுமார் ஹீரோவாக நடிக்க, டப்ஸ்மேஷ் பிரபலம் மிருணாளினி நாயகியாக நடித்து உள்ளார். மேலும் சத்யராஜ் சரண்யா பொன்வண்ணன் உள்ளிட்ட பலர் நடித்துள்ள இந்த படத்திற்கு அந்தோணிதாசன் இசையமைத்துள்ளார். ஸ்கிரீன் சீன் நிறுவனம் இந்த திரைப்படத்தை தயாரித்துள்ளது. வினோத் ரத்னசாமி ஒளிப்பதிவில் விவேக் ஹர்ஷன் படத்தொகுப்பில் உருவாகியிருக்கும் இந்த படம் ஓடிடியில் வெளியாகும் என்னு முன்னதாக தகவல்கள் வெளியாகி இருந்தது.

Image result for mgr magan

இந்தப் படத்தின் தலைப்பிற்கு பல தரப்பில் இருந்து எதிர்ப்பு கிளம்பி இருந்தது. இது குறித்து அ.தி.மு.க பிரமுகர் ஆவடி குமார் ”கோடிக்கணக்கான மக்களுக்கு சொந்தமான, எம்.ஜி.ஆர். தன் குடும்பத்தில் இருந்து, தனிப்பட்ட எவரையும் முன்னிறுத்தியதில்லை. ஆகவே, எம்.ஜி.ஆர். மகன் என்ற தலைப்பை மாற்ற வேண்டும்” என்று கூறியிருந்தார் என்பது குறிப்பிடத்தக்கது.

‘கொரோனா’ லாக் டவுனுக்கு முன்பே ‘எம்ஜிஆர் மகன்’ என்ற படத்தின் போஸ்ட் புரொடக்ஷன் பணிகள் முற்றிலும் நிறைவு பெற்றது. இப்படம் கிராமத்துப் பின்னணியை மையமாகக் கொண்டு உருவாகியுள்ளது. மேலும் இந்த திரைப்படம் சமீபத்தில் சென்சார் சான்றிதழ் பெற்றது என்பதும் சென்சார் அதிகாரிகள் இந்த படத்திற்கு ’யு’ சான்றிதழ் அளித்தனர் என்பதும் குறிப்பிடத்தக்கது. ஏற்கனவே படத்தின் டீசர் டிரைலர் உள்பட படத்தின் அனைத்து புரமோஷன்களும் முடிவடைந்து விட்ட நிலையில் விரைவில் ரிலீஸ் தேதி அறிவிக்கப்படும் என்று எதிர்பார்க்கப்பட்டது.

Image result for mgr magan

இந்நிலையில் எம்ஜிஆர் மகன் படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது. இந்த படம் ஏப்ரல் 23ஆம் தேதி வெளியாக இருப்பதாக தெரிவிக்கப்பட்டுள்ளது. மேலும் இந்த திரைப்படம் தியேட்டரில் தான் வெளியாகும் என்றும் அறிவிக்கப்பட்டு உள்ளது. இதனால் ரசிகர்கள் ஆவலுடன் எதிர்பார்த்துக் கொண்டிருக்கிறார்கள்.

நடிகர் சசிகுமார், நடிப்பில் ‘கொம்பு வச்ச சிங்கம்டா, ராஜவம்சம், நாநா, பரமகுரு, முந்தானை முடிச்சு, பகைவனுக்கு அருள்வாய்’ மற்றும் வெற்றிமாறன் தயாரிக்கும் படம் என பல படங்கள் வரிசையில் இருக்கிறது என்பதும் குறிப்பிடத்தக்கது.

You may also like...

0

Leave a Reply

Your email address will not be published. Required fields are marked *

Thank you for taking time to Vote for us at BestWeb.lk 2020

logo