Header

நம்பர் 13 ஆபத்தான எண்ணாக இருப்பதற்கு பின்னால் இருக்கும் அதிர்ச்சியளிக்கும் ரகசியங்கள் என்ன தெரியுமா?

உலகம் முழுவதும் பல்வேறு நம்பிக்கைகள் இருந்தாலும் சில விஷயங்களில் மட்டும் அனைத்து நாடுகளும் ஒரே புள்ளியில் நிற்கின்றனர். அதில் முக்கியமானது நல்ல சக்தி என்று ஒன்று இருந்தால் தீய சக்தியும் ஒன்று கட்டாயம் உள்ளது என்று. அதேபோல அதிர்ஷ்டம் மீதும் துரதிர்ஷ்டத்தின் மீதும் அனைத்து மக்களும் நம்பிக்கைக் கொண்டுள்ளனர். துரதிர்ஷ்டம் என்று வரும்போது அதில் எண்கள் முக்கியப்பங்கு வகிக்கிறது. பல எண்கள் துரதிர்ஷ்டத்தின் அடையாளமாக இருந்தாலும் 13 துரதிர்ஷ்டம் மற்றும் தீயசக்தியின் அடையாளமாக உலகம் முழுவதும் கருதப்படுகிறது. இதற்கு பின்னால் பல அதிர்ச்சியளிக்கும் காரணங்கள் உள்ளன. அவை என்னென்ன என்று இந்த பதிவில் பார்க்கலாம்.

காரணம் 1

இயேசு கலந்து கொண்ட கடைசி விருந்தில் 13 பேர் இருந்தனர். . இயேசுவைக் காட்டிக் கொடுத்தவர் யூதாஸ் இஸ்காரியோட். அந்த விருந்து மேஜையில் 13 வதாக அமர்ந்திருந்து அவர்தான்.

காரணம் 2

இதேபோல நார்ஸ் புராணத்தில் ஒரு கதை உள்ளது. 12 கடவுள்கள் விருந்தில் அமர்ந்திருந்த போது லோகி அழைக்கப்படாத விருந்தாளியாக 13-வதாக அங்கு வந்தார்.லோகி மற்ற கடவுள்களில் ஒருவரைக் கொன்றார், இது இறுதியில் பேரழிவை ஏற்படுத்திய நிகழ்வுகளுக்கு வழிவகுத்தது. இதனால் சில கடவுள்களின் மரணம், இயற்கை பேரழிவுகள் மற்றும் பூமியில் உள்ள அனைத்தும் அழிந்த பிறகு இரண்டு பேர்தான் பூமியில் பிழைத்தனர்.

காரணம் 3

பாரம்பரியமாக, தூக்கு மேடைக்கு 13 படிகள் இருந்தன. மேலும் தூக்கில் போடும் சுருக்கு பாரம்பரியமாக 13 திருப்பங்களைக் கொண்டுள்ளது என்று ஒரு புராணக்கதை உள்ளது,

காரணம் 4

நைட்ஸ் டெம்ப்ளர் என்பது கிறிஸ்துவத்தில் இருந்த ரகசிய அமைப்பாகும். அக்டோபர் 13, 1307 அன்று நைட்ஸ் டெம்ப்ளரை சேர்ந்த நூற்றுக்கணக்கானவர்கள் கைது செய்யப்பட்டு ஒரே நேரத்தில் தூக்கிலடப்பட்டனர்.

காரணம் 5

பழைய மூடநம்பிக்கைகளின் படி ஒருவரின் பெயரில் 13 எழுத்துக்கள் இருந்தால் அவர்கள் பேயால் பாதிக்கப்பட வாய்ப்புள்ளதாக நம்பப்பட்டது. இது வேடிக்கையானதாக இருக்கலாம் ஆனால் சார்லஸ் மேன்சன், ஜாக் தி ரிப்பர், ஜெஃப்ரி டஹ்மர், தியோடர் பண்டி மற்றும் ஆல்பர்ட் டி சால்வோ என மிகப்பெரிய கொலைகாரர்களின் பெயர்களில் சரியாக 13 எழுத்துக்கள் இருந்தது.

காரணம் 6

1800 களின் பிற்பகுதியில், தி திர்ட்டின் கிளப் என்று ஒரு குழு இருந்தது. 13 பேர் ஒரு மேஜையில் அமர்ந்தால், அவர்களில் ஒருவர் இறந்துவிடுவார் என்ற புராணக்கதையைத் பொய் என நிரூபிப்பதே அவர்களின் நோக்கம். அவர்கள் மாதம் 13 ஆம் தேதி சந்தித்து, 13 பேர் அமர்ந்து இரவு உணவு சாப்பிட்டனர். கிளப்பின் உறுப்பினர்களில் ஐந்து யு.எஸ். தலைவர்கள் இருந்தனர். பெஞ்சமின் ஹாரிசன், க்ரோவர் கிளீவ்லேண்ட், வில்லியம் மெக்கின்லி, தியோடர் ரூஸ்வெல்ட் மற்றும் செஸ்டர் ஏ. ஆர்தர் இருந்தனர். இந்த ஜனாதிபதிகள் இருவர் சுட்டுக் கொல்லப்பட்டனர் என்பது குறிப்பிடத்தக்கது.

logo